أمام الكنيسة نهديها لناصر الفراعنه

وين أسجّ ؟ وكنّ في جوف الحشا شيخ ٍينادي
لا بغيـت أسـجّ عـن حلـو المحـيّـا, قــال: هـيّـد
يا كثر ما قد عرفت مـن العـذارى يابـن بـادي
بسّ قلبي بسلك صفـراً مـع هَـلَ الفيضـه متيّـد
مهـرةٍ ريـحـة عرَقـهـا ريــح ريـحـانٍ وكــادي
في هواها أمّـة محمّـد بيـن مـن عـارض وأيّـد
ويـل ويلـك لوتشـوف خدودهـا بيـضٍ تـشـادي
قشـطـةٍ صـبّـوا بـهــا ذوب الـمـربّـى يـاعـويّـد
والمبيـسـم سـكّـرٍ دقّــوه مـــع نـكـهـة زبـــادي
مـن يشوفـه قبـل لا يـبـدي هــلال العـيـد عـيّـد
والنـحَـر كـنّــه فـيـافـي رقّـــةٍ فـيـهـا حـمــادي
فوقهـا لـبّـى الملـبّـي واجـهـم المـاشـي وسَـيَّـد
والـنـواهـد واقـفــاتٍ كـنّـهـنْ عـسـكـر بـــلادي
أو كنيـسـة راهــبٍ مــن حــبّ يـاقــوتٍ تـشـيّـد
النهَـد كنّـه يـا ابـن بـادي عـن اردافـه يـفـادي
كـنّ راسـه راس شغمـومٍ ركــب راســه وبـيّـد
لا متى ذبح البشر عند العيون السود عـادي؟
لا متى والموت حدر رْموشها السـود يتصيّـد؟
والحواجب سيفهن مـا يطعـن ألا فـي الثنـادي
آمــــراتِ نـاهـيــاتِ جــازمـــاتِ مـــــا تـحــيّــد
والجدايـل فـوق عاتقهـا بـيـاضٍ مــع ســوادي
تـقـل عـبـدٍ قــام يـومـي بالمهـفّـة فــوق سَـيِّــد
والخصـر لا ميّلـت بـه حيّـةٍ فـي جــوف وادي
يـا وِسِـع بالـه علـى ردفٍ علـى عظـمـه تعـيًـد
لعنبوهـا يـوم هــزّت ردفـهـا عـاشـر وحــادي
كـنْ قدمهـا مـن ثقيـل الـردف لا سـارت مقـيّـد
فيـه إلـى منّـه مشـى هيبـة مـفـرّج والمـهـادي
من يشوفـه يلعـن آبـو خامسـه والشـوف جيّـد